Gjysmëfinalja e dytë e lindjes drejtpërdrejt në Artmotion, Atlanta sfidon Philadelphian

Pas transmetimit të duelit të së martës në mëngjes mes Denverit dhe Phoenixit, ekskluzivitetet nga NBA vazhdojnë edhe më tutje me përballjen mes Atlantas dhe Philadelphias, e cila nis me fillim nga ora 01:30 këtë të mërkurë dhe transmetohet drejtpërdrejt në Art Sport 1. Ndeshjen e parë të kësaj serie e fituan me rezultat të ngushtë 128:124 skuadra e Atlanta Hawks, të cilët krijuan një avantazh të madh në pjesën e parë, por që më pas u zbut nga Philadelphia dhe përpak sa nuk ndodhi edhe befasia dhe rikthimi i madh. Trae Young dhe Embiid ishin ata që shkëlqyen në ndeshjen e së dieles e po të njejtit pritet që të bëjnë më të mirën e tyre edhe në këtë sfidë. De’Andre Hunter dhe Kris Dunn mund të jenë mungesa tek “Hawks” ndërsa Philadelphia do të jetë e kompletuar për këtë përballje. Atlanta, 5-shja e mundshme startuese: Young, Bogdanovic, Gallinari, Collins, Capela Philadelphia, 5-shja e mundshme startuese: Simmons, Curry, Green, Harris, Embiid