Gjykimi për gazin lotsjellës, Sveçla mungon - s’mbahet seanca (VIDEO)

I pari në objektin e Gjykatës Themelore u paraqit, Salih Zyba. Rrugën e njëjtë për në gjykatore, mëngjesin e së premtes e përshkoi edhe deputetja, Fitore Pacolli – Dalipi, e cila shkoi disa minuta pas tij. Këta dy në bankën e të akuzuarit u ulën bashkë me ish-deputeten, Drita Millaku të cilët po akuzohen për hedhjen e gazit lotsjellës në Kuvendin e Republikës së Kosovës, në vitin 2018. Por, kësaj treshe nuk i’u bashkua edhe i pandehuri i katërt, ministri në detyrë i Punëve të Brendshme, Xhelal Sveçla i cili kishte edhe urdhër për sjellje me detyrim. Kjo bëri që seanca të dështoi.  Mirëpo, para se të mbylleshin punimet, Salih Zybës, i’u kërkua që të arsyetonte mospjesëmarrjen e tij në seancën e kaluar. E njëjta pyetje i’u parashtrua edhe të akuzuarës tjetër, Fitore Pacollit. Në seancë jo, por arysen e moshkuarjes së Sveçlës e tha avokati i tij Laur Prenaj. Kësisoj seanca e radhës u vendos që të mbahet më datën 16 janar, në ora 13 e 20. Shikoni kronikën në vazhdim: https://www.youtube.com/watch?v=1UBHbtMfRRw