Gjykata gjermane: Doktorët s’janë përgjegjës për shtyrjen e vdekjes në mënyra artificiale

Gjykata më e lartë Penale në Gjermani ka thënë se doktorët nuk janë përgjegjës për shtyrje të vdekjes në mënyra artificiale. Një djalë kishte paditur një doktor për mbajtje në jetë të babait të tij me vite me një gyp ushqyes. Doktorët nuk janë financiarisht përgjegjës për zgjatje të jetës së pacientëve duke përdorur tuba ushqyes, ventilatorë apo mënyra tjera artificiale, ka thënë Gjykata Federale e Gjermanisë, shkruan Deutsche Welle. Vendimi i gjykatës është pritur me ankth nga mjekët, pasi që ai mund të kishte implikime serioze për mjekët që kujdeseshin për jetën e të moshuarve dhe pacientët në shtete vegjetative, transmeton Klan Kosova. Gjykata ka vendosur: - Zgjatja e jetës së dikujt nuk mund të shihet si dëmtim apo lëndim, thotë gjykata. - Doktorët nuk kanë përgjegjësi për dhimbjet dhe vuajtjet që dikë ta mbajnë të gjallë, edhe nëse ka pak mundësi për shërim. Në rast ka qenë i përfshirë një burrë që paditi doktorin dhe kërkoi dëmshpërblim prej 40 mijë euro pasi që ai ia kishte mbajtur të atin të gjallë për pesë vjet më një tub ushqyes. Gjykata ka hedhur poshtë vendimin e një gjykate më të ulët në Munich që kishte vendosur në favor të burrit që kishte bërë padinë.