Gjon Muharremaj me performancë të jashtëzakonshme në skenën e Eurovisionit (VIDEO)

Këngëtari shqiptar, Gjon Muharremaj, sapo ka performuar në skenën e finales së festivalit më të madh të këngës "Eurovision". Gjoni e përfaqëson shtetin e Zvicrës me këngën "Tout l'Univers", njofton Klan Kosova. Ai në fund të perfomancës së tij ka marrë duartrokitje dhe mbështetje të madhe nga publiku. Gjon Muharremaj, emri artistik i të cilit është Gjonis’tears, është djaloshi 22 vjeçar me prejardhje shqiptare me prindër nga Kosova dhe Shqipëria të cilët jetojnë në Zvicër dhe që njëherësh e përfaqëson të njëjtin shtet në Eurovisionin e këtij viti, me këngën ‘Tout l’Univers’. Fuqia e interpretimit dhe zëri shumë melodik i tij në këtë numër të Eurosongut ka ngritur në këmbë publikun, teksa nuk është anashkaluar mbështetja për të edhe nëpër rrjetet sociale, shkruan Klan Kosova. Të fascinuar me perfomancën e tij kanë qenë edhe artistët shqiptarë siç është Aurela Gaçe e cila në profilin zyrtar të saj në Facebook ka postuar videon e këngëtarit duke ia bashkëngjitur edhe një status në të cilin thuhej se edhe ajo do ta votonte këngëtarin. ”Atëherë, unë nga Shqipëria mund ta votoj një shtet tjetër dhe votoj shqiptar që jeton në Zvicër. Talent, talent, talent @gjons.tears, Nr. 16”, ka shkruar ajo. Ndërkaq, nata e madhe filane e Eurovisionit do të mbahet sonte ku listës përveç Shqipërisë dhe Zvicrës, i shtohen edhe vendi pritës Hollanda dhe pesë shtetet e mëdha: Franca, Gjermania, Italia, Spanja dhe Mbretëria e Bashkuar.