Gjokoviqit i refuzohet kërkesa për kuzhinier personal

Tenisti Novak Gjokoviq që është duke qëndruar në qendrën e emigracionit në Australi, ka kërkuar që të ketë një kuzhinier personal dhe një fushë të tenisit, por që të njëjtat janë refuzuar nga zyrtarët australianë, sipas raportimeve. Gazeta australiane raportoi se numri një i tenisit në botë i është mohuar çdo "trajtim i veçantë" gjatë qëndrimit të tij në qendrën e emigracionit, ndërsa janë publikuar edhe fotografi të ushqimit që shërbehet aty. Ai aktualisht është i përfshirë në një mosmarrëveshje nëse është i përjashtuar nga rregullat e vendit të vaksinimit kundër COVID dhe po përballet me dëbim pasi i është anuluar viza. Avokatët që përfaqësojnë 34-vjeçarin po planifikojnë të apelojnë në gjykatë të hënën, shkruan skynews, transmeton Klankosova.tv. Një përmbledhje e rastit të tyre ka treguar se ai doli pozitiv për COVID-19 më 16 dhjetor dhe ai kishte një vizë të vlefshme dhe përjashtim mjekësor nga organizatori i Australian Open. Ai gjithashtu ka kërkuar fushë alternative të tenisit në mënyrë që të mund të stërvitet për turneun që fillon më 17 janar.