Lajmet e fundit
Ylli shqiptaro-zviceran, Xherdan Shaqiri, ka folur për herë të parë që prej kthimit të tij te Baseli pas 12 vjetësh.
32-vjeçari u kthye aty ku i mori hapat e parë pas përvojave te top-klubet si Bayern Muncheni, Interi, e Liverpooli.
“Jam ende në Kaiseraugst, në apartamentin tim të vjetër. Fanella ime është ende e varur aty, prandaj është perfekt për mua…shpresoj të mos vijnë shumë njerëz e t’i bien ziles”, ka thënë dy herë fituesi i Ligës së Kampionëve në konferencë për shtyp.
Shaqiri u kthye në Bazel pas qëndrimit rreth 2 vjet e gjysmë në Chicago Fire në ShBA. Ai u bë transferi më i shtrenjtë në histori të MLS, por që nuk është se u arritën pritshmëritë.
Gjatë këtij qëndrimi, ai shënoi 16 herë dhe asistoi edhe 20 herë në 75 paraqitjet për Chicago Fire. /Klankosova.tv
