Gjithçka gati për t'i siguruar biletat e ndeshjes "Shqipëri - Serbi"

Federata Shqiptare e Futbollit ka njoftuar se janë hapur aplikimet për biletat e ndeshjes së shumëpritur Shqipëri–Serbi. Përmes një postimi në Facebook, FSHF-ja bën të ditur se aplikimi bëhet vetëm përmes platformës zyrtare ebilieta.al, transmeton Klankosova.tv. Tifozët mund të zgjedhin sektorin dhe numrin e biletave (maksimumi 4 për person), duke u identifikuar me një profil ekzistues ose duke krijuar një të ri. Pas zgjedhjes së biletave, kërkohet konfirmimi i të dhënave dhe vendosja e emrave për çdo biletë përpara finalizimit të rezervimit. Ndeshja mes Shqipërisë dhe Serbisë zhvillohet më 7 qershor, me fillim nga ora 20:45./Klankosova.tv.