Gjilani nxjerr një pikë në fund të takimit me Ferizajn

Gjilani e ka nxjerr një pikë krejt në fund të takimit. Ferizaji ishte në epërsi deri në fundin e ndeshjes, por një dramë e madhe u zhvillua në minutat e fundit ku Gjilani pas golit të barazimit në 1:1, kishte mundësinë edhe për ta fituar këtë ndeshje. Skuadra e drejtuar nga trajneri Arbnor Morina, kishte epërsinë qysh nga pjesa e parë pas golit të shënuar nga sulmuesi kroat Mateo Panadiq. Mysafirët e barazuan rezultatin me golin e Arbnor Ramdanit në minutat e fundit të ndeshjes. Kjo është ndeshja e pestë pa fitore e Gjilanit, e cila aktualisht renditet në vendin e tretë me 15 pikë, kurse Ferizaji ndodhet në fund të tabelës me tetë pikë. Ndeshja Ferizaj - Gjilani u transmetua drejtpërdrejt në Art Motion.