Gjermani: 65-vjeçarja arrestohet, mbajti peng dhjetëra persona në një spital

Një 65-vjeçare u arrestua nga policia në Gjermani. Raportohet se ajo i kishte mbajtur peng dhjetëra personanë një spital në Gjermani. Sipas mediave atje, rasti ka ndodhur në Aachen. Forcat e shumta policore e kishin rrethuar spitalin në fjalë. Deri më tani siç raporton gazeta e njohur Bild, nuk bëhet e ditur për persona të lënduar, transmeton Klankosova.tv Po ashtu akoma nuk dihen arsyet që e kanë çuar 65-vjeçaren ta marrë këtë veprim. Por, Bild raporton se gruaja ishte shtrirë në atë spital sot rreth orës 17:00. Personeli i spitalit kishte vërejtur tym, ku e dyshuara i kishte ndezur disa fishekzjarre. Thuhet se ajo kishte synim ta digjte një person. Sipas autoriteteve, ajo është e mbyllur në një dhomë të pacientëve dhe nuk dihet se me kënd ka punë ajo. Spitali në fjalë, i ka 378 shtretër dhe numëron një personel prej 1 mijë e 600 personash.