Gjenden trupat e tre ushtarëve amerikanë të zhdukur në Lituani, një tjetër ende mungon

Autoritetet ushtarake amerikane konfirmuan se trupat e tre ushtarëve të zhdukur gjatë një stërvitjeje ushtarake në Lituani janë gjetur, ndërsa një ushtar mbetet ende i zhdukur. Incidenti ndodhi më 25 mars, kur një automjet i blinduar M88A2 Hercules u zhyt në një kënetë gjatë një stërvitjeje me forcat e armatosura dhe forcat e rendit lituaneze. Sipas U.S. Army, identitetet e ushtarëve nuk do të bëhen publikë derisa të njoftohen familjarët. Operacionet e kërkimit dhe shpëtimit për ushtarin e fundit të zhdukur po vazhdojnë. Në përpjekjet për rikuperim janë përfshirë qindra ushtarë dhe forca të sigurisë nga ShBA-ja dhe Lituania, duke përdorur pajisje speciale për të stabilizuar terrenin e butë.