Gjashtë skuadra në luftë për kreun në 'Serie A', vetëm dy pikë dallimi

Napoli po vazhdon ta udhëheq renditjen tabelare në kampionatin elitar të futbollit italian. Ata barazuan 1-1 të dielen si mysafir të kampionit aktual, Inter, duke mos e lëshuar 'fronin', ku me 26 pikë prijnë në Serie A, njofton Klankosova.tv. Me vetëm një pikë më pak se napolitanët gjenden plot katër skuadra. Vendin e dytë e zë Atalanta e Berat Gjimshitit, pasuar nga Fiorentina, Inter e Lazio, kurse Juventus pas tyre ka 24 pikë. Dallimi kaq i vogël ndërmjet gjashtë ekipeve të para, e shndërron kampionatin e Italisë në një luftë të ashpër, ku të gjitha betejat mund të vendosin për epilogun e përgjithshëm. Nga 18 pikë në vendin e shtatë dhe të tetë gjenden Milan dhe Bologna, kurse ky edicion aspak nuk po shkon mirë për Romën, të cilët nga 12 ndeshje kanë grumbulluar vetëm 13 pikë, raporton Klankosova.tv. Më poshtë mund ta shikoni renditjen e plotë tabelare në Serie A, kampionati ky i cili transmetohet ekskluzivisht në platformën kryesore shqiptare, Art Motion.