Gjahu i pasanikëve, 100.000$ pagesë për të vrarë fëmijë boshnjakë (VIDEO)

Fëmijët e Sarajevës ishin më të kërkuarit. Madje, kishte të interesuar që për të vrarë një të tillë, për punë qejfi e pasioni, në kohën e luftës në Bosnjë, gjatë viteve 1992-1995, ishin në gjendje të jepnin deri në 100 mijë euro. Pas fëmijëve vinin gratë. Për to paguhej më pak, por gjithsesi më shumë se për burrat, nga të cilë, ata të uniformuarit ishin më të kërkuar e preferuar nga disa snajperistë, të cilët, në fakt, nuk ishin serbë, ani se këta mbanin të rrethuar kryeqytetin boshnjak dhe qëllonin saherë mundin. Vrasja e të moshuarve kushtonte më pak. Madje, kjo mundësi, që për dikë ishte edhe kënaqësi, ofrohej falas. Këto pretendime ka filluar t’i hetojë zyra e prokurorit publik në Milano të Italisë, sipas të cilës, jo pak njerëz, të kualifikuar si turistë, vinin në Bosnjë, për të varë civilë në atë që quajt "safari snajperësh”. Padia për këtë u ngrit nga gazetari dhe romancieri Ezio Gavazzeni, i cili deklaroi se njerëz shumë të pasur, me pasion për armët, paguanin për të qenë në gjendje të vrisnin njerëz të pambrojtur, nga pozicionet serbe në kodrat përreth Sarajevës. Në provat e mbledhura nga ai përfshihet edhe dëshmia e një oficeri të inteligjencës ushtarake boshnjake, i cili raportohet se zbuloi që kolegët e tij mësuan për të ashtuquajturat safari në fund të vitit 1993. Këto informacione, në fillim të vitit 1994, iu kaluan shërbimit të inteligjencës ushtarake italiane, Sismi. Kjo e fundit zbuloi, disa muaj më vonë, se turistët që vrisnin për qejf, vinin në kodrat përreth Sarajevës kryesisht nga qyteti Trieste. Gazetari Gavazzeni nisi të merrej me këtë temë pasi më 2022 pa dokumentarin "Sarajevo Safari", të realizuar nga regjisori slloven Miran Zupanic, e në të cilin pretendohej se snajperistët e përfshirë në vrasje ishin nga disa vende, përfshirë Amerikën e Rusinë, pos Italisë. Thuhet se të paktën 100 persona kanë marrë pjesë në safarin e snajperëve. /Klankosova.tv https://www.youtube.com/watch?v=OiPrZTrG7eg