Genc Nuza me shokë do të ndajnë drejtësinë në ndeshjen Bashakshehir - Petrocub

Gjashtë gjyqtarë kosovarë do të ndajnë drejtësinë në një nga ndeshjet e Conference League. Bëhet fjalë për lojën mes klubit turk, Bashakshehir dhe atij moldav, Petrocub. Përballja zhvillohet të mërkurën me fillim nga ora 16:30 në stadiumin "Bashakshehir Fatih Terim". Kjo lojë është e vlefshme për xhiron e katërt të kësaj gare. Referi kryesor i ndeshjes është caktuar të jetë Genc Nuza. Ai do të asistohet nga ndihmësit e tij, Fatlum Berisha dhe Bujar Selimaj. Ndërkaq, Dardan Çaka do të jetë video asistent i referëve, Visar Kastrati do të jetë asistent i video-asistentit të referëve, kure Eridon Podvorica do të jetë referi i katërt.