Lajmet e fundit
Kryeministri i Kosovës, Albin Kurti do të zhvillojë një takim të mërkurën për zgjedhjet në Luginë të Preshevës, me dy kandidatët për kryetar për Bujanocit dhe Preshevës dhe deputetin në parlamentin e Serbisë, Shaip Kamberin.
Ky takim i cili do të mbahet në Fakultetin Juridik në Prishtinë, e ka komentuar gazetarja në Luginë, Ardita Behluli, e cila theksoi se ka qëndrime të ndara.
“Për takimin e nesërm kemi qëndrime të ndara, pro dhe kundër, kemi parti që abstenojnë për qëndrimin të cilat kanë gëzuar benefite nga mjetet e ndara nga qeveria e Republikës së Kosovës. Fokusi i shumicës i partive që veprojnë është në terren, te elektorati i tyre, dhe nuk e kanë komentuar fare takimin e ditë së nesërme, por kemi edhe parti që janë me deklarata zyrtare, me reagime, fillimisht kemi nënkryetarin e Alternativës për Ndryshim dhe reagimin e Partisë që ishte në qeverisje lokale”, u shpreh Behluli.
“Ne nuk jemi në komoditet dhe në pozcionn si shiqptar të Luginës të ngrisim gishtin të dy qeveritë shqiptare, te Republika e Shqipërisë dhe te ajo e Kosovës, sepse sytë dhe ndihmesën e kërkojmë nga këto dy qeverisje shqiptare që jetojnë këtu”.
Përndryshe, Ardita Sinani, është kandidate për kryetare të Preshevës, teksa Ragmi Mustafi kandidat për kryetar të Bujanocit.
Këto zgjedhje do të mbahen më datën 2 qershor të këtij viti.
