Gasperini inkurajon tifozët e Romës që të “ëndërrojnë dhe të shijojnë momentin”

Gian Piero Gasperini u ka bërë thirrje tifozëve të Romës që të vazhdojnë të ëndërrojnë për Scudetton, pasi skuadra ndodhet në krye të renditjes së Serie A. “Duhet të shijojmë momentin”, tha ai. Giallorossët u ngjitën në krye të tabelës bashkë me Interin, pasi të dyja skuadrat kanë tetë fitore dhe tre humbje këtë sezon në kampionat. Këto janë rezultate më të mira nga sa ishte parashikuar, duke pasur parasysh trajnerin e ri dhe ndryshimet e mëdha në ekip - prandaj, a mund të guxojnë të ëndërrojnë? “Secili është i lirë të vazhdojë të ëndërrojë”, tha trajneri për TG1. “Ne mund të shpresojmë vetëm që, kur të zgjohen, pamja të jetë e këndshme - por ndërkohë duhet të shijojmë momentin”. Këtë sezon parashikimet kanë qenë që Roma të luftojë për top 4, mirëpo starti i mirë i kampionatit i jep të drejtë tifozëve të Romës të ëndërrojnë. /Klankosova.tv