Gara për triumfin në Superligë – shumë, shumë e nxehtë

Gara për titullin në Superligën e Kosovës në futboll, ende nuk ka përfunduar, ndonëse gjasat më të mëdha që këtë sezon të kurorëzohet me trofe i ka Drita, që lë prapa Ballkanin me 8 pikë më pak dhe Malishevën me 13 pikë sosh dallim. Por, skuadra tjera kanë halle tjera. Suhareka 23 sot do të jetë nikoqire e Gjilanit, ndeshje kjo e cila do të transmetohet direkt në platformën më të madhe në vend, Artmotion, në kanalin sportiv Sport1. Po ashtu, përballje do të ketë edhe mes Feronikeli 74 dhe Dukagjinir, që poashtu te shikuesit, e shfaq Artmotion (Sport2). Të dy këto ndeshje hapin edhe xhiron e 22-të në Superligë, dhe zhvillohen nga ora 14:00, njofton Klankosova.tv. Për dallim nga Feronikeli 74 që duket thuajse i dorëzuar për mbetje në ligë, pasi ka mbetur në vendin e 10-të me vetëm 11 pikë të mbledhura nga 21 xhiro, tre skuadrat tjera luftojnë për mbijetesë. Gjilani nga pozita e 5-të, është vetëm 3 pikë larg vendit të tetë, në të cilin gjendet Dukagjini i cili rrezikon rënien nga liga. Edhe Suhareka s'është pa rrezik, pasi aktualisht gjendet në vendin e gjashtë me 26 pikë, 1 më shumë se Dukagjini dhe 4 më shumë se Llapi që gjendet në vendin e 9-të. Të dielën zhvillohen edhe dy ndeshje tjera, ajo mes liderit Dritës dhe Ferizajt, ndërsa Malisheva do të presë në shtëpi Ballkanin. Edhe këto ndeshje do të keni mundësinë t’i ndiqni në kanalet sportive të Artmotion. Ndërkaq të hënën përballen Prishtina me Llapin, me fillim nga ora 20:00 në stadiumin “Fadil Vokrri” nën dritat e reflektorëve. Kjo ndeshje transmetohet direkt në Sport1. Skuadra nga kryeqyteti është vetëm 4 pikë larg zonës së "kuqe". /Klankosova.tv