Game Of Thrones, producentët paranoikë për rrjedhjen e infromacioneve të sezonit final

Ylli i serialit “Game Of Thrones” Iain Glen ka thënë se masat e sigurisë të vendosura për të parandaluar rrjedhjen e detajeve të stories së serialit në publik kanë shkaktuar probleme për disa aktorë. “Ata janë absolutisht paranoikë për këdo që zbulon ndonjë gjë për serinë dhe mund ta dëmtojë". “Nuk na është lejuar ta kemi asnjë fjalë të shkruar në letër”. Glen ka shpjeguar se të gjithë aktorët kanë lexuar skriptën përmes iPad, ku qasja në materiale kishte disa mbrojtje sigurie e që sipas tij ka shkaktuar disa probleme tek aktorët. Ai gjithashtu tha se aktorët kanë parë skriptat për herë të parë në leximin e përbashkët dhe se askush s’kishte lexuar asgjë më parë. Aktori skocez, i cili ka luajtur rolin e Ser Jorah Mormont në fenomenin global të HBO-se që nga fillimi i vitit 2011, tha gjithashtu se sezoni final i këtij seriali është "absolutisht fenomenal". Glen tha se kishte momente shokuese për aktorët, pasi kuptuan se si do të zgjidhej komploti i ndërlikuar i serialit. "Sinqerisht, këto gjashtë episode janë absolutisht fenomenale. Shkrimtarët me të vërtetë, me të vërtetë ia dolën. Mënyra se si e arritën gjithë atë ishte një shkrim për t’u çmuar me të vërtetë”. Sezoni i fundit i “Game of Thrones” do të shfaqet në Sky Atlantic në prill të 2019’ës. https://www.youtube.com/watch?v=CnhFBlkzYe8