Futbollisti shqiptar ia shkakton Cityt humbjen e dytë në tri ndeshje

Brightoni e ka shokuar Manchester Cityn duke e mposhtur me përmbysje. Fillimisht ishte City ai që kaloi në epërsi në minutën e 34-të me Haaland, e që ishte edhe rezultati i pjesës së parë. Por, në pjesën e dytë Brightoni u shfaq krejt ndryshe në fushë, ku në minutën e 67-të shifrat u barazuan në 1-1 pasi Milner u tregua i saktë nga pika e bardhë, njofton Klankosova.tv. Ndërsa, fitoren vendasve ia dha lojtari shqiptar me shtetësi gjermane, Brajan Gruda, i cili e kaloi edhe portierin për të shënuar në portën e zbrazët. Me këtë fitore, Brightoni gjendet në pozitën e 10-të me katër pikë, ndërsa City në pozitën e 12-të me tri pikë, ku nga tri ndeshje ka dy humbje.