Fustan me kokoshka

Studentët e degës së Teknologjisë së Tekstilit të  Universitetit Balıkesir kanë dizajnuar një fustan me kokoshka, ndërsa pjesa e sipërme është e mbuluar nga kokrrat e misrit. Arzu Pilevne, pedagoge në këtë Universitet  thotë se  dizajnimet e ndryshme  kanë interes dhe se ata që e zhvillojnë veten në këtë drejtim në të ardhmen do të mund të tregojnë talentin e tyre, raporton Anadolu Agency. "Studentët më pyetën nëse është e përshtatshme të bëjmë një veshje me kokrra misri dhe kokoshka." "Pse të mos jetë" - ishte përgjigja ime, tha Arzu. "Për këtë fustan, ne punuam një kohë bashkë dhe në fund doli ky stilim interesant. Studentëvë iu sugjeroj gjithmonë  që të vendosin në punë imagjinatën kur krijojmë stilime pasi mund të dalin gjëra interesante" përfundoi pedagogia Pilevne. Veshja është ekspozuar në ceremoninë e diplomimit të studentëve ku duket se ka pasur një interes të lartë nga pjesëmarrësit, transmeton Klan Kosova.

klankosova.tv