Fushata e ligë: Mbytet i riu, VV lëvdohet për FSK-në në veri (VIDEO)

Ushtarakët u vunë në kërkim të trupit, e Vetëvendosje u nis fërkemeve të tyre. Misioni, anise humanitar i Forcës së Sigurisë së Kosovës për ta gjetur të riun që ra në liqenin e Ujmanit, i hapi rrugën pushtetarëve për lavd, raporton Klan Kosova. Se ç’detyrë pati të shkojë në Ujman nuk dihet, por me ta atje shkoi edhe vetë zëdhënësi i partisë së Albin Kurtit, Arlind Manxhuka. Ky qe fort aktiv për këtë zhvillim, e më i përmbajtur u tregua drejtuesi i dikasterit të mbrojtjes që dha lajmin, Ejup Maqedonci. Ani pse ky se tha, në citimin e Maqedoncit, partia reklamoi zbarkimin e ushtrisë si diçka krejt të re në këtë pjesë të vendit. E më pas iu doli që ishte jo krejt e para. Krahasim me një tjetër vit u bë edhe nga deputeti Mefail Bajqinovci, që vuri fotografinë e presidentit serb, Alleksandar Vuçiq në Ujman, e një të ushtarit të FSK-së. Gjithë kjo jehonë e prirë nga Vetëvendosje, u cilësua për marre nga ligjvënësja e Partisë Demokratike të Kosovës, Vlora Çitaku. Derisa shkuarja e FSK-së në veri, sipas kolegut të Çitakut, Artan Behramit, bazën e ka te marrëveshja e Hashim Thaçit me NATO-n. Pos tyre, reagim pati edhe nga Ambasada Gjermane. Akuzave për përdorim të tragjedisë për përfitime politike, nga Vetëvendosja iu kundërpërgjigjën me mohim, derisa prania e ushtrisë atje konsiderojnë se është pjesë e ngjarjeve historike që duhet të shënohet. /Klankosova.tv https://www.youtube.com/watch?v=t5B5YD98A9Y