“Fusha antimagnetike në markobotë” libri i ri i Naim Krasniqit

Naim Krasniqi, si shkencëtar i fushës së fizikës dhe më gjerë, ka sjell librin e dytë “Fusha antimagnetike në makrobotë”, i cili tashme ka dalë nga shtypi në Prishtinë. Gjashtë muaj më parë ai botoi librin “Mikrobota, më ndryshe”, ku parashtron një strukturë të re të atomit shumë më të përbërë se sa besohej e që e ndryshon njohjen e mikrobotës. Në këtë libër autori paraqet zbulimin e tij madhor të fushës së re – fushës antimagnetike, duke e shpjeguar se si formohet dhe ç’rol luan ajo. Fusha antimagnetike si e vetmja forcë shtytëse në makrobotë është ajo që e bën universin të jetë kështu sikurse është, e pa këtë forcë shtytëse – forcat tërheqëse do ta mbanin universin të tkurrur si një top i vetëm kaotik. Në këto dy vepra autori i saj ka parashtruar disa nga arritjet e tij në punën mëse tri dekadëshe, me theks të posaçëm punën e dekadës së fundit kur në vitin 2013 ka zbuluar fushën antimagnetike, shkruan "Epoka e Re", transmeton Klankosova.tv. Naim Krasniqi është eksperimentues dhe teoricien i fizikës. Ka të patentuar projekte të veta novatore. Jeton në Francë. Krasniqi ka vite që parashtron një teori ndryshe për fizikën, për universin.