Frenkie de Jong del në mbrojtje të Lamine Yamal pas përplasjes me Carvajal në “El Clasico”

Kapiteni i Barcelonës, Frenkie de Jong, ka reaguar në mbrojtje të shokut të skuadrës, Lamine Yamal, pas tensioneve të ndodhura në fund të “El Clasicos” ndaj Real Madridit. Gjithçka nisi nga një përplasje mes Dani Carvajal dhe talentit 18-vjeçar të Barcelonës, që më pas përfshiu edhe disa lojtarë të tjerë të madrilenëve, si Thibaut Courtois dhe Vinicius Junior. Mesfushori holandez e ka quajtur të gabuar mënyrën se si Carvajal reagoi, duke theksuar se çështja duhej zgjidhur privatisht mes tij dhe Yamalit, pasi të dy janë shokë të kombëtares spanjolle. “Nëse je shok skuadre me dikë, mund ta marrësh në telefon dhe ta sqarosh privatisht, jo të krijosh skena në fushë,” është shprehur De Jong. “Carvajal mund ta kishte sqaruar qetësisht me Lamine. Për më tepër, Yamal nuk ka thënë kurrë se ‘Real Madrid vjedh dhe ankohet’. Deklarata e tij është keqinterpretuar,” shtoi kapiteni i Barcelonës në intervistën pas ndeshjes.