Franck Kessie synon rikthimin në Serie A

Mesfushori nga Bregu i Fildishtë i cili luan aktualisht te Al-Ahli, Franck Kessie po kërkon rikthimin në Serie A në sezonin e ardhshëm. Sipas mediave italiane, për Kessie janë të interesuar klubet e mëdha italiane si Juventusi e Interi, transmeton Klankosova.tv. Për ta realizuar transferimin, mesfushori do të duhet të ulë kërkesat e tij financiare, pasi paga e tij aktuale arrin deri në 14 milionë euro neto për sezon. Më herët Kessie ka luajtur për Milanin dhe Atalantën ndërsa së fundmi ishte pjesë edhe e Barcelonës ku fitoi La Ligën dhe Kupën e Spanjës.