Fotografi nga periudha e Perandorisë Osmane ekspozohen në muzeun Marubi në Shkodër

Një ekspozitë unike është çelur ne muzeun e fotografisë Marubi në Shkodër. Ekspozita “Pietro Marubi dhe fotografët e periudhës osmane”, ka bërë bashkë fotografët më të rëndësishëm të periudhës osmane. E pranishme në muzeun e fotografisë, ministrja e Kulturës së Shqipërisë, Elva Margariti, tha se këto foto dëshmojnë historinë dhe marrëdhënien mes popullit shqiptar dhe atij turk, shkruan Euronewsalbania, përcjell Klankosova.tv Në këtë ekspozitë krahas fotografëve më të famshëm të Perandorisë Osmane, gjejmë edhe fotografitë e Pietro Marubbi-t, disa në bardh e zi e të tjera me ngjyra. Pamjet e qyteteve, shkollave dhe njerëzve me veshjet tradicionale, tregtohen edhe në formën e kartolinave.