Forca bijtë e vendit! Videoja motivuese e "Dardanëve" para lojës me Islandën (VIDEO)

Kombëtarja e Kosovës në futboll sot me fillim nga ora 18:00 do ta zhvillojë ndeshjen më të rëndësishme në histori. Në Murcia të Spanjës, "Stadio Enrique Roca", "Dardanët" do të ballafaqohen me Islandën. Djelmoshat e drejtuar nga Franco Foda, do ta kërkojnë një vend në ligën B. Aktualisht, gjysma e punës është kryer, derisa sot mbetet edhe gjysma tjetër. Në takimin e parë në "Fadil Vokrri", Kosova triumfoi me rezultat 2:1. E para ndeshjes kthyese të playoff-it, tifozët e zjarrtë, mbështetësit kryesor, vijnë me një video motivuese. "Forca bijtë e vendit", shkruan ndër të tjera në postimin e "Dardanëve". Mbetet të shihet nëse përfundimisht do të shkruhet historia, për të garuar sezonin e ri të NATIONS League në ligën B. Islandë- Kosovë, me fillim nga ora 18:00, transmetohet drejtpërdrejt në platformën kryesore televizive Artmotion, në Radio Televizionin e Kosovës./ Klankosova.tv