Foda për Klan Kosovën: Ndaj Rumanisë do të ndryshojmë taktikë

Kosova nesër do të luajë kundër Rumanisë në Bukuresht në kuadër të Ligës së Kombeve. Për këtë ndeshje, kombëtarja jonë do të ketë disa mungesa. Megjithatë, përzgjedhësi ynë, Franco Foda, për Klan Kosova ka thënë se ekipi me të cilin Kosova do të zbresë nesër në terren është i aftë për ta mposhtur Rumaninë. “Jemi përgatitur mirë, jemi stërvitur mirë gjatë 2-3 ditëve të fundit. Skuadra ka fituar shumë vetëbesim në 3 ndeshjet e fundit. Nesër do të jetë një lojë ndryshe. Rumania ka një skuadër të mirë, e për fat të keq ne përballemi me disa mungesa. Por pavarësisht gjithçkaje, ne besoj se jemi të aftë për të fituar dhe do të përpiqemi të bëjmë gjithçka për të fituar këtë ndeshje”, tha Foda për Klan Kosova. Ai përmendi edhe mungesat e nesërme, siç janë Rashica, Krasniqi e Rrudhani, për çka tha se do të ndryshojë taktikën e lojës. “Duhet ta ndryshojmë pak taktikën sepse mungesa e Rashicës, Krasniqit dhe Rrudhanit në veçanti kanë shumë shpejtësi për t’u futur në thellësi. Megjithatë, nesër do të kemi një ekip të mirë në fushë që mund të fitojë edhe ndaj Rumanisë”, deklaroi Franco Foda. Ndeshja nesër do të zhvillohet nga ora 20:45 në Bukuresht. /Klankosova.tv https://youtu.be/Swe8ANtr0nE