Flick pas shkëlqimit të Rashfordit ndaj Newcastle: Vetë e kam ftuar, është i jashtëzakonshëm

Trajneri i Barcelonës, Hansi Flick, ka thënë se vetë personalisht kishte folur me Marcus Rashfordin për ta transferuar te Barcelona. Anglezi u duk së paku mbrëmë t’ia ketë shpaguar besimin me dygolëshin e tij që i sjelli fitoren klubit katalunas mbrëmë ndaj Newcastle Unitedit në Champions League. “Kam folur me Rashfordin në korrik dhe i thashë: Kam nevojë për ty në skuadrën time”, ka deklaruar Flick. “Nuk jam i befasuar. Rashford është një lojtar me talent të jashtëzakonshëm dhe me një aftësi të pabesueshme për t’i përfunduar aksionet, gjë që e shohim në stërvitje”.