Fiton lotari 2 milionë dollarë falë ndihmës së një shoku

Një burrë nga Michigan i ShBA-së fitoi çmimin prej 2 milionë dollarësh nga një biletë lotarie me gërvishtje, falë një ndihme të vogël nga një mik. 54-vjeçari u tha zyrtarëve të Lotarisë së Miçiganit se shpesh kërkon ndihmën e një shoku për të blerë bileta lotarie. “Sa herë që miku im shkon për të blerë bileta lotarie, unë i jap gjithmonë para dhe i them të më blejë edhe mua disa”, tha lojtari. Miku i burrit fatlum i bleu atij një biletë prej 20 dollarësh. "Ai zgjodhi këtë biletë për mua dhe unë e gërvishta sapo e mora. Kur pashë se fitova 2 milionë dollarë, nofulla ime ra në dysheme dhe mbeti atje! Isha i hutuar, dhe sinqerisht, jam ende! Nuk mund të filloj të shpjegoj ndjenjën e fitimit të kësaj shume parash”, tha fituesi. Ai tha se ende po e mban të heshtur fitoren e tij. “Nuk i kam thënë askujt tjetër përveç mikut tim që ma ka blerë biletën, por kam në plan të befasoj familjen time së shpejti duke i treguar çekun tim të madh”, tha ai.