Fisnik Asllani: Ëndrra ime është Barcelona

Fisnik Asllani po kalon një formë të shkëlqyer në sezonin e tij të parë me Hoffenheim në Bundesligë. Sulmuesi nga Kosova ka shënuar 5 gola në 4 ndeshje, 4 prej të cilëve në kampionat dhe një në Kupë. Në një intervistë të dhënë së fundmi për “Sport Bild”, Asllani ka zbuluar se klubi i tij i ëndrrave është Barcelona dhe se një ditë dëshiron të transferohet atje. “Klubi im i ëndrrave ka qenë gjithmonë Barcelona, gjithmonë kam dashur të luaj atje. Dua të luaj në Ligën e Kampionëve një ditë. Është e rëndësishme të kesh ëndrra dhe të punosh drejt diçkaje”, është shprehur ai. Vlera aktuale e 23-vjeçarit vlerësohet mes 8 dhe 10 milionë euro, por nëse vazhdon me këtë ritëm mbresëlënës, nuk përjashtohet mundësia që gjatë verës së ardhshme ai të vlejë dyfish apo edhe më shumë.