Filmi “Në kërkim të Venerës” me regji të Norika Sefës ka fituar çmimin special të jurisë (Special Jury Award), gjatë ceremonisë së shpërndarjes së çmimeve të Festivalit të Roterdamit.
Këtë e bëri të ditur Qendra e Kinematografisë së Kosovës (QKK) me anë të një njoftimi në rrjetin social Facebook.
Në film luajnë: Kosovare Krasniqi, Rozafa Çelaj, Erjona Kakeli, Basri Lushtaku, Bleon Monolli, Fatushe Nushi, Ajan Zharku, Ermal Bilalli, Tristan Halilaj, Shend Miftari, Anisa Ismajli, Sheqerie Buqaj etj. Me drejtor të fotografisë - Luis Armando Arteaga, montazhë - Stefan Stabenoë, skenografi - Arben Shala, zërim - Risto Alchinov, kostumografi - Desantila Lika, dhe grim - Lidona Berisha.
“Në kërkim të Venerës” me producent Besnik Krapin është bashkëprodhim në mes të Kosovës dhe Maqedonisë së Veriut i prodhuar nga Circle Pruduction dhe me bashkëproducent Igor Popovskin dhe Gazmend Nelën. Filmi gjithashtu është mbështetur edhe nga Komuna e Kaçanikut dhe Komuna e Prishtinës.
●●●
LGSHKRIMI NGA
L. Ga.
Editorial nga Klan Kosova — ndjek kulturë dhe zhvillimet e tjera kryesore të vendit.
