Filharmonia dhe Opera e Kosovës organizojnë koncert në shënimin e 25-vjetorit të intervenimit të NATO-s në Kosovë

Në shënim të 25-vjetorit të intervenimit të NATO-s në Kosovë, sonte nga ora 20:00 në Atelienë e Pallatit të Rinisë dhe Sportit në Prishtinë organizohet koncert nga Filharmonia e Kosovës dhe Opera e Kosovës. Kështu bëri të ditur Ministria e Kulturës, Rinisë dhe Sportit në një postim në Facebook, njofton Klankosova.tv. Nën drejtimin e dirigjentit Edon Ramadani, Orkestra dhe Kori do të interpretojnë vepra nga Karl Jenkins, Wolfgang Amadeus Mozart dhe Franz Schubert. Në rolin e solistëve do të prezantohen Zana Abazi Ramadani - soprano, Ismet Vejseli - tenor, dhe Denik F. Prizreni - bariton.