FFK reagon për incidentin në ndeshjen Deçani - Prizreni: Nuk tolerohet dhuna në futboll

Skena të turpshme kanë ndodhur gjatë ndeshjes Deçani - Prizreni, në ligën e dytë të futbollit të Kosovës. Aty ka pasur dhunë të ushtruar ndaj disa lojtarëve. E për këtë zhvillim ka reaguar Federata e Futbollit të Kosovës. Në reagim e FFK-së thuhet se nuk do të tolerohet dhuna në futboll. "Sjelljet josportive që fillimisht u shfaqën në këtë takim nga disa lojtarë të KF Deçani, e më pas edhe nga një lojtar i klubit prizrenas (të cilët kryen veprime që bien ndesh me frymën e sportit), janë të papranueshme dhe në kundërshtim të plotë me vlerat e futbollit". "Edhe më shqetësues ishte përshkallëzimi i situatës që pasoi, ku përleshja mes futbollistëve në fushë u përkeqësua me përfshirjen e personave civilë, të cilët sulmuan futbollistët e klubit prizrenas".