Fetahu e Ponari për krijimin e Ligës Unike në basketboll: Lojtarët do të jenë përfituesit më të mëdhenj

Krerët e basketbollit shqiptar, Avni Ponari i Shqipërisë dhe ai i Kosovës, Arbër Fetahu, kanë folur për krijimin e Ligës Unike të basketbollit në mes dy shteteve. Ponari në Sport Show në Klan Kosova tha se dëshira ekzistonte qysh moti, por vetëm tani u mundësua të bëhet realitet. “Dëshira filloj qysh moti, tentativa jonë ishte edhe më parë për një ligë të përbashkët, nuk na pengoi njëri por dy federatat deri më tani nuk gjetën dëshirën për ta bërë këtë”, tha ai. “Unë kam takuar dy-tre presidentë të federatës kosovare të basketbollit por që kjo dëshirë nuk u realizua, por me Fetahun kjo është bërë shumë lehtë, ku shpresojë drejt kësaj rruge të jenë edhe sportet tjera”. Tutje, Ponari tha lojtarët priten të jenë përfituesit më të mëdhenj së bashku me trajnerët që do të jenë pjesëmarrës. “Kjo ligë është krijuar me qëllim të caktuar që lojtarët do të jenë përfituesit më të mëdhenj së bashku me klubet, trajnerët. Kjo do t’i jep basketbollit një ngjyrë të re ku shpresojmë të jetë një shfaqje e bukur për basketbollin tonë”. “Specifika e kësaj është se do të rrit nivelin ku shpresojmë që pas meshkujve të kalon edhe tek femrat por edhe te grupmoshat e reja. Basketbollistët e tanishëm do të kenë ëndërr të luajnë në ekipet pjesëmarrëse në këtë ligë”. Ndërsa i pari i FBK-së, Arben Fetahu, tha se ishte i emocionuar gjatë nënshkrimit të marrëveshjes finale. Ai gjithashtu tha se do të jetë nder dhe krenari për ta puna në këtë ligë të përbashkët, Kosovë – Shqipëri. “Jam ndjerë i emocionuar në natën e nënshkrimit të marrëveshjes, marrëveshje kjo e shumë gjeneratave që tashmë u realizua. Arritëm të përmbyllim një proces që e kemi nisur qysh më herët, por problemi ka qenë që ne jemi pranuar shumë vonë në FIBA, dhe pesë vjet pas kësaj u arrit Liga Unike e cila është mbarëkombëtare. Duke qenë të parët na bënë përgjegjës të bëjmë më të mirën, por si do që të jetë do të jetë nder dhe krenari për punën që bëmë”. Fetahu tutje zbuloi edhe formatin e kësaj lige, ku sipas tij pjesëmarrëse do të jenë katër ekipet më të mira të Kosovës dhe katër ekipet më të mira të Shqipëerisë. “Formati do të jetë, katër ekip më të mira nga Kosova dhe atye më të mira në Shqipëri. Do të garohet me sistem vajtje-ardhje, për pjesën e Kosovës ne kemi vendos që ndeshjet që do të luhen në Ligën Unike do të transferohen në Supërligën e Kosovës. I fundit i ranguar nuk do të ketë drejt të garojë në këtë ligë në vitin e ardhshëm. Gjashtë të parat shkojnë direkt në fazën e fundit ku do të ketë gjysmë finale dhe finale”. “Faza finale do të organizohet një herë në Kosovë dhe një herë në Shqipëri. Garat do të jenë brenda dy ditës, ku do të ketë gjysmë të dirigjuar”.