Mesfushori i Barcelonës, Fermin Lopez, ka rinovuar kontratën me klubin, duke nënshkruar deri në vitin 2031.
Mesfushori ofensiv 22-vjeçar ka qenë në formë shumë të mirë për "Blaugranat" javët e fundit, duke kontribuuar vazhdimisht me gola dhe asistime vendimtar në fazën sulmuese.
Duke parë paraqitjet e tij dhe rolin që ka fituar brenda skuadrës, klubi katalanas ka ndjerë nevojën t’i përmirësojë pagën dhe t’i ofrojë një kontratë të re.
Marrëveshja është arritur: Fermini pritet të përfitojë një rritje page prej 50%, ndërsa klauzola e lirimit do të dyfishohet nga 500 milionë euro në 1 miliard euro.
Deri tani këtë sezon, produkti i La Masias ka regjistruar 10 gola dhe 11 asistime në 26 ndeshje në të gjitha garat, duke u shndërruar në një nga kontribuesit kryesorë në skuadrën e Hansi Flick.
●●●
LSHKRIMI NGA
L
Editorial nga Klan Kosova — ndjek sport dhe zhvillimet e tjera kryesore të vendit.
