Ferizaj befason Ballkanin, Gjilani mposht Prishtinën, Drita fiton ndaj Llapit

Janë luajtur sot tre ndeshje nga xhiroja e 21–të në Albi Mall Superligën e Kosovës. Ferizaj ka arritur fitore të madhe 2:1 ndaj liderit të kampionatit, Ballkanit. Skuadra vendase shënoi në minutën e 13–të me transferin e ri Ruben Silva–Richards. Ballkani barazoi në minutën e 18–të, nga penalltia u tregua i saktë Almir Kryeziu. Golin e fitores për Ferizajn e shënoi sërish Richards në minutën e 34–të. Ferizaj me këtë fitore ka 22 pikë në vendin e 8–të. Ndërkohë, pas kësaj disfatw Ballkani humb vendin e parë, duke u radhitur në pozitën e dytë me 36 pikë. Drita në anën tjetër u revanshua ndaj Llapit pas eliminimit në Kupën e Kosovës. Blerton Sheji realizoi në minutën e 64–të për epërsinë e kampiones në fuqi. Drita shënoi sërish në minutën e 90–të me Veton Tushën. Drita me këtë fitore merr vendin e parë në tabelë me 38 pikë, kurse Llapi pozicionohet në vendin e 7–të me 22 pikë. Gjilani është mjaftuar me golin e pjesë së parë të Edi Bashës për te siguruar fitoren ndaj Prishtinës. Kryeqytetasit janë në vendin e tretë me 36 pikë, ndërsa Gjilani ka 30 pikë në vendin e 6–të.