“Fëmijëve filluan t'iu bien flokët” - Si ndikuan medikamentet e kafshëve që Arianit Sllamniku iu dha fëmijëve? (VIDEO)

Po ashtu nga Inspektorati Shëndetësor, Sllamnikut iu vu dryni "ordinancës" ku ushtroi veprimtarinë e kundërligjshme. Aktivizimi i organeve të shtetit nisi nga raportimi i KIKS Kosova, të hënën mbrëma. Gazetarja Florentina Hoti, tregoi në emisionin e mëngjesit se si nisi hulumtimi në këtë rast. "Gjithçka ka nisur prej një prindi të shqetësuar, i cili veçse kishte dëgjuar për Arianit Sllamaniku dhe kishte shkuar për një konsultë, se ai e ka pasur metodologjinë e tillë që konsultën e parë e ka pasur falas dhe të gjithë prindërit thonë se ai ka pasur njëfar aftësie manipulimi që më tutje ata me vazhdu edhe me i pagu shumat e majme të parave që veçse ata i kanë paguar", deklaroi ajo njofton Klan Kosova. "Vetëdijësimi ka qenë pika kyçe e komplet hulumtimit dhe dëshirës tonë të madhe dhe shtytjes që me reagu edhe organet e rendit dhe të drejtësisë. Një nënë e shqetësuar e ka marrë tutje protokolin edhe aty çka ka parë ka filluar ta shqetësojë për shkak se kanë qenë disa barëra, ku prej një kurioziteti të nënës ka filluar me i kërku në internet dhe e ka parë që janë barëra që përdoren nga veterinarët për kafshë", theksoi Hoti. Ajo tregoi edhe efektet e këtyre barërave, ku siç tha gazetarja fëmijëve kishin nisur edhe t'u bien flokët.