FBK obligon Prishtinën dhe Pejën të mbajnë kuvendet zgjedhore deri më 26 qershor

Bordi i Federatës së Basketbollit të Kosovës (FBK) ka marrë vendim që KB Prishtina dhe KB Peja të mbajnë kuvendet e tyre të rregullta zgjedhore deri më 26 qershor 2026. Ky vendim është marrë në mbledhjen e rregullt të Bordit, e cila u zhvillua më 28 prill në Prishtinë, në kuadër të zbatimit të akteve statutare dhe rregulloreve në fuqi. Përmes këtij vendimi, FBK synon të sigurojë funksionimin e rregullt dhe në përputhje me statutin të klubeve, duke respektuar procedurat ligjore dhe organizative që kërkohen nga federata. KB Prishtina dhe KB Peja pritet që brenda afatit të caktuar të organizojnë kuvendet zgjedhore, ku do të trajtohen çështje të rëndësishme për drejtimin dhe strukturën e tyre të ardhshme. /Klankosova.tv