Evropa ka dërguar më shumë ndihma në Ukrainë sesa SHBA-të

Kush në Perëndim po i jep më shumë Ukrainës? Evropa ka tejkaluar ndihmën e SHBA-së në Ukrainë, tregon hulumtimi i Institutit të Kielit për Ekonominë Botërore.

Në total, Evropa ka ndarë 70 miliardë euro në ndihmë financiare dhe humanitare, si dhe 62 miliardë euro në ndihmë ushtarake, transmeton Klankosova.tv.

Kjo krahasohet me 50 miliardë euro nga SHBA-ja në alokime financiare dhe humanitare dhe 64 miliardë euro në ndihmë ushtarake.

Kur merret parasysh ndihma si pjesë e PBB-së së donatorëve, Gjermania, Mbretëria e Bashkuara dhe SHBA kanë mobilizuar më pak se 0.2% të PBB-së së tyre vjetore për të mbështetur Ukrainën.

Vende të tjera të pasura donatore si Franca, Italia dhe Spanja ndanë afërsisht 0.1% të PBB-së së tyre vjetore.