Eurobasketi: Greqia bëhet e 'bronztë'

Greqia e ka fituar medaljen e bronztë në Kampionatin Evropian të basketbollit. Në 'luftë' për vendin e tretë, grekët mposhtën me rezultat 92:89, Finlandën ku luan edhe basketbollisti Edon Maxhuni, i cili ka shkëlqyer në këtë kampionat. Lojtari më i mirë në parket nga radhët e grekëve, ishte Giannis Antetokounmpo me 30 pikë, 17 kërcime dhe gjashtë assite, shkruan Klankosova.tv. Kurse te finalndezët më i dalluari ishte Lauri Markkanen, i cili shënoi 19 pikë, bëri 11 kërcime dhe një asist. Në finale, nga ora 20:00 zhvillohet ndeshja mes Gjermanisë dhe Kombëtares së Turqisë.