Emocion e brohoritje gëzimi në "Fadil Vokrri", Kosova fiton 2-1 ndaj Islandës

Realizimet e Lumbardh Dellovës dhe Elvis Rexhbeçajt, i kanë dhënë fitore Kosovës në ballafaqim me Islandën, në kuadër të Ligës së Kombeve. Krejt çka arritën këta të fundit të bëjnë në stadiumin "Fadil Vokrri", ishte goli i barazimit në pjesën e parë, kur Orri Oskarsson për 1-1, njofton Klankosova.tv. Ndonëse triumf minimal, rezultati i sotëm i favorizon "Dardanët" për ndeshjen e kthimit, ku edhe barazimi do t'i mjaftonte për t'u ngjitur në Ligën B, edicionin e ardhshëm në UEFA Nations League. Dueli i dytë do të luhet të dielen në Murcia të Spanjës!