Elton John e ka bërë të qajë vokalistin dhe kitaristin e Metallica-s, James Hetfield-in, pasi e ka quajtur këngën e tyre “Asgjë tjetër s’ka rëndësi” si ndër këngët më të mira të shkruara ndonjëherë.
Këto komente John i bëri në një lidhje virtuale në emisionin e Howard Stern-it ku të pranishëm në studio ishin Metallica dhe Miley Cyrus.
“Dëgjoni, kjo është njëra prej këngëve më të mira të shkruara ndonjëherë”, ka thënë John.
“Është këngë që kurrë nuk vjetrohet. Mezi kam pritur që të luaj në këgë këngë. Struktura e akordeve, meloditë, ndryshimet e kohës, është krejt dramë”.
Kjo bëri që Hetfield t’i fshijë lotët, ndërkaq John po i referohej versionit të Cyrus-it e cila së fundi e ribëri këngën e lartpërmendur të grupit legjendar metal.
https://www.youtube.com/watch?v=wofWGD5TUxo
●●●
LSHKRIMI NGA
L
Editorial nga Klan Kosova — ndjek kulturë dhe zhvillimet e tjera kryesore të vendit.
