“El Clasico” shkon në vazhdime, Barçës iu anulua penalltia 1 minutë para fundit

Ka përfunduar me rezultat 2:2 koha e rregullt e finales së Kupës së Mbretit mes Barcelonës dhe Real Madridit. Fundi ishte mjaft dramatik, ku një minutë para fundit, gjyqtari akordoi penallti për Barcelonën, por VAR-i ndërhyri ku më pas penalltia u anulua. Epërsinë Barcelona e mori në minutën e 28-të, ku Pedri shënoi super gol nga jashtë zonës, ndërsa në të njëjtën formë, Reali iu kundërpërgjigj Barçës me Mbappen, i cili realizoi në minutën e 70-të. Shtatë minuta më vonë, Tchouameni ia dha epërsinë e parë në ndeshje Realit, e cila zgjati vetëm tetë minuta, ku Torres e vuri sërish baraspeshën në fushë. Nëse edhe gjatë vazhdimeve nuk do të ketë fitues, atëherë triumfuesi do të përcaktohet në penallti.