Ekspozita “Syrigana” e Petrit Halilaj prezantohet në Berlin

 Petrit Halilaj, artisti shqiptar i njohur ndërkombëtarisht, do të hap ekspozitën “Syrigana” në Berlin të Gjermanisë. Ekspozita “Syrigana” do të hapet në muajin shtator në Hamburger Bahnhof – Nationalgalerie der Gegenwart – në një nga institucionet më të njohura të artit bashkëkohor në Gjermani dhe Evropë. Ambasadori i Kosovës në Gjermani, Faruk Ajeti, përmes një shkrimi në rrjetin social “Facebook”, ka bërë të ditur lajmin për hapjen e kësaj ekspozite, transmeton Klankosova.tv. Ajeti ka shkruar se artisti shqiptar përmes kësaj ekspozite të veçantë do të sjellë në zemër të Berlinit elemente dhe tregime unike të kulturës sonë nga Runiku i Kosovës.