Hyni brenda botës surreale të piktorit të njohur René Magritte.
Në këtë ekspozitë e cila po mbahet e hapur në Milano, artdashësit nuk do të mund t’i shohin asnjë nga pikturat e tij origjinale. Por ata mund të hyjnë në botën e Magritte e cila është re-imagjinuar për shekullin e 21-të.
Falë dritës, video projeksioneve dhe teknologjisë virtuale, adhuruesve të artit u mundësohet t’i shohin veprat e piktorit belg nga një këndvështrim i ri, shkruan Euronews, transmeton Klan Kosova.
“Përmes video projeksioneve, dritës dhe muzikës krijohet një botë tjetër që i mundëson vizitorit ta përjetoj ekspozitën sikur në kinema apo në teatër, ndryshe nga ekspozitat tradicionale”, ka thënë drejtori i galerisë, Stefano Fake.
Imazhet dhe videot janë krijuar me teknologji digjitale duke u inspiruar nga 160 veprat e piktorit Magritte.
Vizitorët mund ta eksplorojnë hapësirën dhe t’i shohin veprat nga shumë pikëpamje.
https://www.youtube.com/watch?v=Z1pWzoVWC9Y
Ekspozita e emëruar “Brenda Magritte” do të mbahet deri më 10 shkurt të vitit të ardhshëm në galerinë Fabbrica del Vapore në Milano të Italisë.
klankosova.tv
●●●
Shpërndaje këtë artikull
H
SHKRIMI NGA
H.S
Editorial nga Klan Kosova — ndjek kulturë dhe zhvillimet e tjera kryesore të vendit.
