Eksperti Halimi: Dobësitë në drejtësi nxisin vetëgjyqësinë në Kosovë (VIDEO)

Dukuria e vrasjeve në Kosovë mbetet shqetësuese, ndërsa për këtë ka folur eksperti i sigurisë Armend Halimi. Në emisionin “Kosova Today” në Klan Kosova, Halimi tha se një nga faktorët që ndikon në këtë fenomen lidhet me funksionimin e sistemit të drejtësisë dhe sundimin e ligjit.

“Sa i përket faktorëve apo shkaqeve që çojnë deri në këtë kategori, një prej tyre, sepse ka shumë, është edhe aspekti i sundimit të ligjit apo drejtësisë, që në fakt nuk kemi qenë keq, apo kemi qenë më mirë në këtë drejtim. Sepse në vazhdimësi janë vërejtur defektet që ka sistemi gjyqësor në Kosovë në trajtimin e rasteve të kontesteve të ndryshme pronësore ose në raportet bashkëshortore, çka e bën që qytetarët të humbin durimin dhe të marrin zgjidhjen në dorën e tyre, ose siç njihet ndryshe vetëgjyqësia”, deklaroi Halimi./Klankosova.tv