Ekskluzive: Babai i Edon Zhegrovës tregon nëse djali i tij do të transferohet në Napoli (VIDEO)

Në intervistën ekskluzive për Rubikon, kandidati i Lidhjes Demokratike të Kosovës që po kërkon votat e qytetarëve për t’u bërë deputet, Lulzim Zhegrova ka konfirmuar edhe një lajm nga arena sportive. Napoli është i interesuar për Edon Zhegrovën dhe i gatshëm të ofrojë deri në 25 milionë euro për transferin e tij, por kjo shumë po konsiderohet e ulët nga ekipi francez Lille ku aktualisht luan Edoni. I pyetur se a do t’i bashkohet djali i tij Edoni, ekipit që po e kërkon, ai tha: “Po, ka qenë kërkesë e Napolit ta transferoj tash Edonin, por bisedimet kanë ngecur dhe ma merr mendja që gjatë janarit nuk do të shkojë. Kemi vendosur që të qëndrojmë në Lille pasi që i duhet edhe në këta muajt që kanë mbetur, deri në verë kemi vendosur që mos të shkojë. Nuk do të shkojë se tash ka lojë të rëndësishme dhe me Lillen ka vendosur që ta ndihmojë klubin e tij edhe për një periudhë të shkurtër”, tha Zhegrova.