Efektiviteti i vaksinës kundër COVID-19 zbehet, SHBA planifikon të ofrojë doza përforcuese në shtator

Dozat shtesë të vaksinës kundër COVID-19 do t'u ofrohen të gjithë amerikanëve nga 20 shtatori. Dozat fillimisht do t'u jepen punonjësve të kujdesit shëndetësor, banorëve të shtëpive të pleqve dhe njerëzve të moshuar që u vaksinuan të paktën tetë muaj më parë. Përforcuesi do të jetë në dispozicion për amerikanët që kanë marrë dozën e dytë  të vaksinës Pfizer ose Moderna. Krerët e Qendrave për Kontrollin dhe Parandalimin e Sëmundjeve, Administrata e Ushqimit dhe Barnave, Institutet Kombëtare të Shëndetit dhe këshilltari kryesor mjekësor i Presidentit Joe Biden, Dr Anthony Fauci, janë të gjithë dakord për nevojën për një dozë përforcuese të vaksinës, raporton BBC, transmeton Klankosova.tv. Sipas zyrtarëve efektiviteti i vaksinës kundër COVID-19 tani dihet se ulet me kalimin e kohës. "Ne konkludojmë se do të nevojitet një goditje përforcuese për të maksimizuar mbrojtjen e shkaktuar nga vaksina dhe për të zgjatur qëndrueshmërinë e saj." Sipas të dhënave federale, më shumë se një milion amerikanë kishin kërkuar vullnetarisht një dozë shtesë të vaksinës para se të shpallej vendimi zyrtar.