Edon Maxhuni shkëlqen me 20 pikë në fitoren madhështore të Finlandës ndaj Francës

Finlanda e ka mbyllur vitin në mënyrën më të mirë të mundshme me një fitore mbresëlënëse 83:76 ndaj Francës, në kuadër të kualifikimeve për Kupën e Botës 2027. Hero i ndeshjes ishte Edon Maxhuni, i cili shpërtheu me 20 pikë dhe një paraqitje të jashtëzakonshme në momentet vendimtare. Për Finlandën u dalluan edhe Alexander Madsen me 14 pikë, dhe Mikael Jantunen i Fenerbahçes, i cili regjistroi 9 pikë, 9 kërcime dhe 6 asistime, duke qenë i jashtëzakonshëm në presion. Kjo fitore vjen pas disfatës ndaj Hungarisë dhe konfirmon formën e lartë të Finlandës, që këtë vit ishte një ndër surprizat e EuroBasket 2025, ku përfundoi në vendin e katërt pas eliminimit të Serbisë dhe Gjeorgjisë.