Edicioni i 17-të - Hapet festivali i animacionit Anibar (VIDEO)

Peja për të 17-in vit radhazi është nikoqire e Festivalit Ndërkombëtar të Filmit të Animuar “Anibar”, një prej ngjarjeve më të rëndësishme të këtij lloji në rajon. Festivali nisi edicionin e ri me një program të pasur filmash të animuar, ndërsa për shtatë netët në vazhdim qytetarët do të kenë mundësi të ndjekin filma të metrazhit të shkurtër dhe të gjatë në disa lokacione të qytetit. Në lidhje me këtë ngjarje, në lidhje direkte ka foluar edhe gazetarja Amantina Hasnai e cila mori prononcim edhe themeluesin e festilavit, Vullnet Sanaj.

Sonte hapim edicionin e 17-të të festivalit. Programi këtë vit do të përfshijë filma të shkurtër dhe të gjatë të animuar, ndërsa gjatë ditës do të ketë edhe shumë aktivitete e punëtori për grupmosha të ndryshme”, ka thënë Sanaja.

Përveç filmave, festivali do të ofrojë punëtori për fëmijë dhe të rinj, ku pjesëmarrësit do të mësojnë për krijimin e filmave të animuar, përpunimin e zërit, shkrimin dhe realizimin e projekteve filmike. Gjithashtu do të ketë prezantime nga animatorë dhe studentë që do të prezantojnë punët e tyre. Aktivitetet e “Anibar”-it do të vazhdojnë gjatë gjithë javës, nga ora 10:00 deri në përfundim të programit të mbrëmjes. Sanaja ka treguar se mbajtja e festivalit për 17 vite nuk ka qenë e lehtë, por mbështetja e komunitetit dhe qytetarëve të Pejës ka qenë një nga faktorët kryesorë që ka ndihmuar në vazhdimësinë e tij.   Për më shumë shikoni videon më poshtë: