Edi Rama në pritje të konfirmimit për t’u takuar me Albin Kurtin

Kryeministri i Shqipërisë, Edi Rama, sot do të qëndrojë në Prishtinë me ç’rast do të takohet me krerët shtetërorë të Kosovës. Derisa takimet me presidenten Vjosa Osmani dhe kryetarin e Kuvendit, Glauk Konjufca, i ka të konfirmuara, për takimin me kryeministrin Albin Kurti ende nuk dihet, raporton Klan Kosova. Në llogarinë e tij në Facebook, Rama ka publikuar agjendën për sot, ku bëhet e ditur se pjesën e parë të ditës do ta kalojë në Maqedoninë e Veriut, ndërsa pjesën e dytë në Kosovë. Me presidenten Vjosa Osmani ai pritet të takohet në orën 16:00. Me kryeparlamentarin Glauk Konjufca në orën 17:15. Ndërsa për takim me Kurtin është në pritje të konfirmimit. Në mbrëmje, kryeministri Rama do të jetë i ftuar ekskluzivisht në emisionin Rubikon në Klan Kosova. https://klankosova.tv/edi-rama-sonte-ekskluzivisht-ne-klan-kosova/ Rrini të informuar mbi zhvillimet kryesore duke u bërë pjesë e komunitetit tonë në Viber BONUS: Merreni aplikacionin tonë në Android dhe iOS

klankosova.tv